Eskola-jazarpena oso arazo larria dela eta gazte nerabearengan oso ondorio larriak izan ditzakeela ikusita, Aizu! taldeak aholku batzuk bildu ditu momenturen batean, bortitza egoeran zuetako norbait aurkitzen bada, edo horrelako jazarpenaren lekuko bazarete ere baliogarriak izan daitezkeelakoan.
Badakigu, errepresalien beldur, oso zaila izan daitekeela askotan horrelako indarkeria jakinaraztea. Horregatik, artikulu honen bidez, aholku eta gomendio batzuk helarazi nahi dizkizuegu, aurreko egoeraren batean (lekuko edo biktima) aurkituz gero, hainbat gaztek jasaten duten indarkeriaren gurpila prebenitu edo hausteko jardun dezazuen.
Zure ikaskide batek erasotzen bazaitu (fisikoki edo hitzez), hemen dituzu egoera horrekin bukatzeko hainbat aholku:
– Ez egin kasurik erasotzaileari, jardun entzungo ez bazenio bezala. Ez iezaiozu ezta begiratu ere.
– Saia zaitez erasotzailearen aurrean bere erasoek zu ez kaltetzen (negar egin, haserretu, eta abar). Hori da hain zuzen ere erasotzaileak nahi duena, beraz, ez iezaiozu holako poztasunik eman. Beranduago une horretan izan zenituen erreakzioei eta sentitu zenuenari buruz hitz egin edo idatzi ahal izango duzu.
– Erasotzaileari lasai eta tinko erantzun iezaiozu. Adibidez, esan iezaiozu: ¨Ez, hori zuk pentsatzen duzuna baino ez da¨.
– Ahal baduzu, saiatu ironiaz hitz egiten edo umorez hartzen esaten dizuna. Adibidez, esaten badizu ¨a ze nolako alkandora itsusia!¨, erantzun dezakezu ¨eskerrik asko, pozten naiz konturatu izanaz¨.
– Urrun zaitez edo korrika egin beharrezkoa bada, arriskurik egon daitekeela uste baduzu. Urrun zaitez egoeratik. Joan zaitez pertsona heldu bat dagoen lekura.
– Erasotzaileen biktima bazara, egin behar duzun gauzarik garrantzitsuena da heldu batekin hitz egitea. Has zaitez zure gurasoekin. Hori ez da salatzea, zu maite zaituzteten pertsonei laguntza eskatzea da, behar duzunean. Saia zaitez zure gurasoek ikastetxeko norbaitekin hitz egin dezatela, baina ez erasotzaileen gurasoekin.
– Sentitzen baduzu zure gurasoei ezin diezula esan edo haiek ezin dizutela lagundu, hitz egin zure konfiantzazko beste heldu batekin, hala nola, ikastetxeko irakasle bat edo zuzendaria. Ez baduzu horri buruz inorekin bakarrik hitz egin nahi, eskatu lagun bati edo neba-arreba bati zurekin joatea. Zu erasotua izan zarenean ikusi zaituen norbaitekin joatea lagunduko dizu.
– Argi utz iezaiozu helduari egoerak erabat eragiten zaituela, eta are gehiago hitzezko erasoen biktima bazara, zeren eta batzuetan helduek holakoak ez dituzte garrantzizkotzat jotzen, eta, hain zuzen ere, eraso horiek dira min gehien egin dezaketenak.
– Sentitzen baduzu ezin diozula inori ezer esan, saia zaitez eskutitz bat idazten gertatzen zaizuna azaltzeko. Zure konfiantzazko heldu bati eman iezaiozu eta kopia bat gorde zuretzat.
ETA GOGOAN IZAN:
– Zu ez zara erasotua izatearen erantzulea.
– Ez diozu zuk bakarrik aurre egin behar egoera horri, ez ezazu utzi denbora pasatzen eta kontatu. Ez zuretzat gorde, ez duzu merezi sufrimenduzko eta kezkako egoera hau luzatzea.
– Eskola-jazarpeneko egoera baten biktima, erasotzaile nahiz lekuko bazara, besteak tratatu zu tratatua izatea nahiko zenukeen moduan. Laguntza eman iezaiozu behar duenari, ziur ondo sentiaraziko zaituela.